Министерот за одбрана на Туркијe, Хулуси Акар, денес, вторник, изјави дека не прифаќаат постоење на терористи на југот на земјата или на северот на Сирија, известува „Anadolu Agency“ (AA).
Акар, кој е во посета на Обединетите Арапски Емирати, се сретна со Мухаммед Бин Ахмад Ал Боварди, државен министер за одбрана, а имаше средба и со Мухаммед Бин Зајед Ал Нахјан, претседател на ОАЕ и емир на Абу Даби.
Потенцирајќи дека ова е прва посета на турскиот министер за одбрана на оваа земја по пауза од 15 години, Акар се осврна на односите меѓу двете земји.
„Во наредниот период очекуваме значајни и позитивни промени во соработката во областа на воената обука, како и прашањата од одбранбената индустрија“, рече министерот Акар.
Тој доби прашање од новинарите, за можна операција на турските вооружени сили во северна Сирија.
„Во никој случај не прифаќаме постоење на терористи на југот на нашата земја, ниту на северот на Сирија“, рече Акар.
Тој подвлече дека турската армија е подготвена да изврши секаква задача.
„Турските вооружени сили со својата жива сила, опрема, оружје и опрема и врвен морал, мотивација и искуство се подготвени да ја извршат секоја задача. Во овој поглед, тие се одлучни и способни“, рече Акар.
Акара беше запрашан и занаводите дека терористите ископале нови тунели во северна Сирија.
„Сите треба да гледаат што правиме ние, а не што прават терористите“, рече Акар.
„AA“
„Dubai-Portal“
