Грчката влада вели дека планира големо проширување на ѕидот долж границата на земјата со Туркије и бара финансиска поддршка од Европската унија за дополнителна изградба, објави „AP“.
Според извештајот, грчкиот министер за миграциски прашања Нотис Митаракис, рече дека челичниот ѕид ќе биде продолжен од 40 на 120 километри (25 до 75 милји), а градежните работи треба да започнат подоцна оваа година.
„Одлуката на Владата е да го продолжи граничниот ѕид, а ние побаравме помош од европски фондови“, рече Митаракис.
Министерот во понеделникот на социјалните мрежи објави аудио снимка од интервјуто. Тој не соопшти детали за предвидената цена на проектот.
Минатата година, дванаесет земји, вклучително и Грција, побараа од ЕУ средства за изградба на гранични ѕидови, кои во моментов се финансираат од националните буџети. Комисијата на ЕУ во моментов не плаќа за изградба на ѕидови на нејзините надворешни граници, тврдејќи дека тоа ќе ги пренасочи средствата од други активности поврзани со миграцијата, вклучително и финансирањето на агенцијата за заштита на границите на ЕУ, Frontex.
„AP“
„Dubai-Portal“
