Претседателот на Република Туркије Реџеп Таип Ердоган ,телефонски разговараше со претседателот на Русија Владимир Путин
Според Дирекцијата за комуникации на Кабинетот на турскиот претседател, Ердоган и Путин разговарале за односите меѓу Турција и Русија, како и за регионалните прашања, особено за руско-украинската војна.
Во таа прилика Ердоган рече дека има потреба од чекори за минимизирање на негативните последици од војната и градење доверба со што поскоро повторно воспоставување на темелите за мир меѓу Русија и Украина.
Ердоган истакна дека, доколку двете страни во принцип се согласат, Туркије е подготвена да се сретне со Русија, Украина и Обединетите нации (ОН) во Истанбул и да преземе улога во можниот механизам за следење.
Според соопштението, Ердоган рече дека нападите на терористичката организација ПКК/ЈПГ врз Турција и сириските цивили продолжуваат во Сирија.
Ердоган, исто така, му рекол на Путин дека на сириската граница со Туркије не е воспоставена зона длабока 30 километри од тероризам, како што е договорено со договорот од октомври 2019 година, и дека е од суштинско значење областа да се направи безбедна.
„Dubai-Portal“
