Турскиот претседател Реџеп Таип Ердоган, го угости шејхот Абдула бин Зајед, министер за надворешни работи и меѓународна соработка на ОАЕ, во Истанбул.
Двајцата разговараа за перспективите за унапредување на соработката меѓу Турција и ОАЕ на сите полиња и разговараа за регионалните прашања и важноста од зајакнување на напорите за воспоставување мир, безбедност и стабилност.
Се разговараше и за украинската криза и светските случувања.
Министерот за надворешни работи на ОАЕ го посети својот турски колега Мевлут Чавушоглу и ги истражи патиштата за соработка меѓу земјите и изгледите за унапредување на односите.
Шејхот Абдула и Чавушоглу се осврнаа на најновите глобални случувања, вклучително и оние кои се релевантни за стабилноста на снабдувањето со енергија и пазарите на храна во светот, како и за глобалните напори направени за постигнување политичко решение за кризата во Украина.
Највисокиот дипломат на ОАЕ истакна дека односите меѓу Емирати и Турција постојано се зголемуваат и се развиваат, а двете раководства се решени да воспостават одржлив модел на партнерство меѓу двете страни.
„Се надевам дека ќе можеме да работиме заедно за да го финализираме договорот за трговско партнерство меѓу нашите земји, при што можеме да ја удвоиме нашата трговска размена“, рече шејх Абдула, на заедничата прес-конференција.
Шејхот Абдула ја истакна обновливата енергија како еден од секторите каде што двете нации се заинтересирани за зајакнување на нивните билатерални односи.
„Овој сектор не само што е успешен од комерцијална гледна точка, туку е и последица на нашите земји кои работат на намалување на емисиите на јаглерод во светот“.
„Dubai-Portal“
