Палестинците ја осудија одлуката на американската администрација да ја отстрани радикалната еврејска група Кач од листата на терористички организации, јавува Анадолија. Минатиот петок Стејт департментот отстрани пет екстремистички групи од списокот на странски терористички организации, вклучително и движењето Кач.
Палестинската управа, со седиште во Рамала, ја нарече одлуката на САД „награда за оперативците на оваа терористичка организација“. „Постапките на американската администрација се спротивни на нејзините зборови и не се во согласност со посветеноста на мирот и стабилноста“, се вели во соопштението. Движењето Кач беше прогласено за терористичка група во Европската Унија и Израел, каде на неговиот основач Меир Кахане му беше забрането учество на изборите во 1988 година.
