Рускиот претседател Владимир Путин им го честиташе Рамазан Бајрам на руските муслимани и го истакна нивниот придонес во зајакнувањето на меѓународниот мир, зачувувањето на културната различност и одбраната на интересите на земјата, се наведува во честитката на веб-страницата на Кремљ.
– Потпирајќи се на трајните духовни вредности, руските муслимани даваат достоен придонес за зајакнување на меѓународниот мир и хармонија во општеството, зачувување на културната различност и одбрана на приоритетните интереси на нашата земја – се вели во текстот на честитката. Во честитката се нагласува дека овој празник ја симболизира посветеноста на хуманистичките идеали, побожноста и милосрдието, ги свртува верниците кон потеклото на исламот, високите морални насоки кои се основа на сите светски религии – пренесува РИА Новости.
