Значајна џамија во античкиот град Јафа, во непосредна близина на Тел Авив, беше вандализирана од група израелски десничари, пренесе новинската агенција Вафа.
Ахмед Абу Аџвех, имамот на џамијата Хасан Бек, сподели две фотографии на Фејсбук за да ги прикаже Давидовата ѕвезда и израелското знаме исцртани со спреј на ѕидовите на џамијата.
Тој го осуди чинот на вандализам како „фашистички напад“ и ги нарече израелските сили одговорни за нападот, бидејќи армиска патрола беше распоредена во близина, но стоеше со скрстени раце.
Палестинците кои живеат во Израел ја обвинуваат израелската полиција за невнимание при гонењето на сторителите на таквите напади.
Џамијата Хасан Бек, која се наоѓа во населбата Маншија во историски палестинската Јафа, беше предмет на напади во минатото.
Минатата година, имамот сподели видео во кое открива скршени прозорци и оштетени теписи како резултат на израелски вандализам.
Десничарските Израелци и доселениците, во последниве години, извршија слични напади во окупираниот Западен Брег и арапските градови и населби во Израел, во она што стана познато како напади со „цена“.
Терминот се однесува на употребата на екстремистички еврејски доселеници на насилни дејствија врз Палестинците и нивниот имот за да го покажат своето противење на израелските ограничувања за нелегалните населби и пунктови на окупираниот Западен Брег.
„Dubai-Portal“
