Рускиот министер за финансии предупреди на забавување на глобалниот економски раст.
„Забрзаната инфлација во повеќето развиени земји беше резултат на неодговорните активности на западните финансиски власти за време на пандемијата, а беше влошена со кампањата на санкции против Москва“, изјави рускиот министер за финансии Антон Силуанов.
Скалата на инфлаторните притисоци е без преседан во контекст на последните децении“, рече министерот, говорејќи на пленарниот состанок на Меѓународниот монетарен и финансиски комитет на ММФ.
„Тоа е резултат на неодговорните постапки на финансиските власти на западните земји, од кои страда целиот свет, а пред се најзагрозените земји со низок приход“, додаде тој.
Според Силуанов, последните санкции што Западот ги воведе кон Русија ја влошуваат ситуацијата.
„Динамиката на забрзаната енергетска транзиција ги зголемува и цените на енергијата, што ги влошува проблемите со сиромаштијата, безбедноста на храната и достапноста на енергијата“, рече министерот.
САД и нивните сојузници воведоа економски санкции без преседан на Русија како одговор на воената операција во Украина. За помалку од два месеци, земјата стана предмет на над 6.000 различни насочени ограничувања. Русија е главен глобален извозник на сите видови стоки, енергија… нафта,гас и жито.
