ТРИПОЛИ (АА) – Началникот на Генералштабот на Либија, генерал Мухамед ел Хадад, во оценката за случувањата во Либија истакна дека нема да дозволат повторно да има војна, пренесува Агенција Анадолија (АА).
Хадад на прес-конференцијата одржана по средбата со либискиот премиер Абдулхамид Дибејбе, истакна дека стабилноста постигната за време на Владата на национално единство (UBH) треба да се зачува до одржувањето на изборите.
„Нема да дозволиме повторно да има војна“, нагласи Хадад.
Наведувајќи дека како либиска армија се држат настрана од политички несогласувања и дискусии, Хадад рече: „Нашите деца кои зедоа оружје и учествуваа во промената, поради војните денес се на улица и се само товар за нивните семејства.“
Хадад се заблагодари на Дибејбе за обезбедувањето стабилност, иако таа е кревка, и рече дека не сакаат земјата повторно да биде вовлечена во војна.
„Одовде упатувам повик до сите Либијци, не сакаме земјата да биде вовлечена во војна. Нема да има војна. Подготвен сум да отпатувам на исток, запад и југ од земјата и да им укажам на луѓето дека се обидуваат да нѐ измамат“, рече Хадад.
Наведувајќи дека меѓусебно треба да си простат и да им се даде обештетување на граѓаните, Хадад рече: „Ајде повторно да ја обновиме нашата земја.“
Anadolu Agency
