Рускиот претседател Владимир Путин телефонски разговараал со претседателот на палестинската управа Махмуд Абас за тензиите во Ерусалим и преговорите меѓу Русија и Украина, објави руската државна новинска агенција РИА. Додека војната во Украина ги зголеми цените на храната на глобално ниво, Путин го уверил на Абас дека Москва ќе им обезбеди на Палестинците „руска пченица и земјоделски култури“.
Путин ја истакна цврстата позиција на Русија за поддршка на правата на палестинскиот народ и дека Русија ќе продолжи да дава политичка поддршка за палестинската цел на сите меѓународни форуми.
Рускиот лидер ги отфрли „израелските практики кои ги спречуваат палестинските верници слободно да пристапуваат до џамијата Ал Акса“, додавајќи дека Израел мора „да го почитува историскиот статус кво“ во светото место. Тензиите меѓу Москва и Тел Авив се интензивираа минатата недела кога израелскиот министер за надворешни работи ја обвини Русија за „воени злосторства“ во Украина, по што Москва објави соопштение во кое ја осудува „израелската окупација“ на палестинските територии.
