Министерството за одбрана на Украина соопшти дека пензионираниот генерал-мајор Халифа Хафтар (Khalifa Haftar) се согласил за време на неговата посета на Москва да испрати либиски „доброволци“ во Украина за да учествуваат во „борбите во руските редови“.
Министерството во соопштението откри дека руската платеничка компанија „Wagner“ ќе превезува платеници од Либија со авиони во сопственост на руските воздухопловни сили.
Воениот експерт Адел Абдел Кафи (Abdel Kafi) рече дека Хафтар му враќа на рускиот претседател Владимир Путин за неговата поддршка за време на битката кај Триполи „исто како што тоа го правеше шефот на сирискиот режим кога испрати борци да ја поддржат Русија“.
Во ексклузивното интервју за „Arabs21“, Абдел Кафи потсети на неодамнешната изјава на Путин кога рече дека странските и арапските доброволци се подготвени да се борат со руската армија во нејзината војна против Украина.
Тој напомена дека „Wagner“ прави аранжмани за трансфер на борци во Украина, нагласувајќи дека се подготвуваат и платеници од Чад, Судан и Сирија да бидат испратени во Украина, заедно со либиските борци.
Либискиот експерт истакна дека Русија го поддржува Хафтар со платеници на „Wagner“ и напредно оружје, вклучително и противвоздушни системи Панцир, авиони МиГ-29 и Сухи 24 (Sukhoi 24), преку кои Хафтар зазема важни воени бази, како базата Ал Џафра (Al-Jafra), Брак Ал Шати (Brak Al-Shati), во јужниот регион и некои локации во центарот на земјата.
„Wagner“ работи во Либија откако Хафтар започна напад на 4 април 2019 година за да го освои Триполи. Операцијата заврши неуспешно.
Платениците на „Wagner“ контролираат бројни воени локации и бази во источна Либија. Сите напори и резолуции на ОН не успеаја да ги протераат од земјата.
„Dubai-Portal“
