Словенечката амбасада во главниот град на Украина, Киев, го отстрани словенечкото знаме кое висело пред амбасадата поради сличноста со руското знаме, изјави словенечкиот дипломат.
Словенечкото и руското знаме носат исти бои по ист редослед – бела, сина и црвена, а словенечкото знаме го носи грбот на земјата, кој се состои од неколку симболи – ѕвезди, планини, мориња и реки. Според Боштјан Лејсак, член на управниот одбор на амбасадата, претставници на украинската национална гарда дошле да ги посетат, придружувани од претставници на полицијата и го прашале дали словенечкото знаме може привремено да биде отстрането бидејќи е премногу слично на руското. Инаку,
Словенија во понеделникот повторно ја отвори својата амбасада во Киев, околу еден месец откако ги евакуираше сите свои дипломати од Украина на 26 февруари по почетокот на конфликтот меѓу Русија и Украина. Словенечкиот амбасадор во Украина Томаж Менчин продолжува да работи од полскиот град Жешов, кој се наоѓа во близина на украинската граница, соопшти претходно словенечкото Министерство за надворешни работи.
