На социјалните мрежи во понеделникот се појавија фотографии на луѓе од Украина врзани за столбови, испрскани со зелена антисептичка боја. Според извештаите, ова се случува во западниот град на Украина, Лавов. Како што дознаваме, жртви на овој вид насилство се Роми. Неколку луѓе, вклучително и тинејџери и семејства со жени и деца, биле врзани со самолеплива трака за столбови, а нивните лица биле испрскани со антисептичка боја позната како „зелјонка“ во поранешниот Советски Сојуз.
Зелената супстанција е многу тешко да се измие и може да предизвика хемиски изгореници на очите. Според локалните медиуми, Ромите биле казнети поради обидот за кражба од патник во автобус. Меѓутоа, на социјалните мрежи има тврдења дека тие само се обидувале да украдат храна, бидејќи гладувале по бегството од Киев, но во секој случај ова е уште еден нацистички начин на постапување со луѓето. Некои корисници на социјалните мрежи велат дека строгата казна била поради националноста на жртвите.
Припадниците на Територијалните одбранбени сили, неодамна формиран волонтерски огранок на украинската армија, обвинети се за овој грозоморен чин. На сликите од локацијата се присутни маскирани униформирани лица. Лавов, кој се наоѓа во западна Украина во близина на полската граница, досега беше во голема мера поштеден од конфликтот во земјата. Во средината на март, Русија бомбардираше платеничка база на полигонот Јаворив надвор од градот, тврдејќи дека таму биле убиени до 180 странци кои заминале да се борат за Киев. Извештаите за прогон на странци и малцинства од страна на нацистичките единици во Украина доаѓаат од други делови на Украина од почетокот на руската операција кон крајот на февруари.
Имаше инциденти во кои на африканските студенти им беше забрането да се качат во возови и автобуси кои превезуваат бегалци во странство. Граничарите им забраниле на оние кои успеале да стигнат до границата со Полска да застанат во ред со украинските граѓани, додека ги нарекувале „црнчиња“, а некои биле дури и претепани. Африканската унија ги осуди инцидентите како „шокантно расистички“. Индијците кои студираат во земјата за руските медиуми изјавиле дека имале сличен третман. Тие се пожалија и дека ги исфрлиле од засолништето за бомби, а мештаните им рекле дека нема да им помогнат бидејќи Индија не му помага на Киев во конфликтот.
ZeroDot
