Во телефонски разговор со рускиот претседател Владимир Путин, Мохамед бин Салман предложил посредување со цел да се стави крај на војната во Украина, објави во четвртокот саудиската државна агенција SPA. Една недела по почетокот на руската инвазија на Украина, престолонаследникот кој е де факто владетел на саудиската монархија повика на „политичко решение“ на конфликтот. Кралството е „подготвено да вложи напори да посредува меѓу двете страни“, рече принцот, а пренесува SPA. Заливските монархии, вклучително и Саудиска Арабија, првиот извозник на нафта во светот, се воздржаа од критикување на Русија, со која имаат добри врски.
Сепак, нафтените монархии гласаа во средата на Генералното собрание на ОН за резолуција со која „бараа“ Москва „веднаш“ да се повлече од Украина. Во телефонскиот разговор со Путин, Мохамед бин Салман повтори дека Ријад сака „да ја зачува рамнотежата на нафтениот пазар“ и дека земјите од ОПЕК + (Организација на земји извознички на нафта), во кои спаѓаат и Саудиска Арабија и Русија, не сакаат да го зголемат производство. Рускиот напад предизвика нагло зголемување на суровините. Во четвртокот наутро барел американски WTI надмина 115 долари, што не се случило од 2008 година, а барел брент достигна 120 долари. На крајот на денот цените на нафтата и бензинот стивнаа.
Извор: Индекс
