Полицијата во Лос Анџелес, Калифорнија го извлече пилот од авионот модел Цесна што се урна на железничка пруга неколку секунди пред возот во неделата да удри во авион и да го уништи. Драматичното видео (овде) покажува како неколку полицајци ослободуваат маж од урнатиот авион, кој се урнал веднаш по полетувањето во областа Пакоима, објавија локалните медиуми.
Полицијата и пилотот биле на само неколку метри од пругата кога воз што поминувал го уништил авионот. „Авионот не успеал да полета и слета на железничка пруга на сообраќајна раскрсница“, рече Луис Хименез, 21-годишен композитор кој го снимил видеото. „Само неколку секунди пред судирот, полицијата го спаси пилотот, а парче од остатоците за малку ќе ме погодеше“, објави Ројтерс. Пилотот се здобил со исеченици и модринки, но тој е во стабилна состојба, јавуваат локалните медиуми. Во возот нема повредени, јавуваат локалните медиуми. На видеото објавено од полициската управа во Лос Анџелес на Твитер се прикажани снимки од камера на полицајци како вадат раскрвавен пилот од авион. Одделот ги пофали своите вработени пишувајќи во твит дека „покажале херојство и брза акција спасувајќи го животот на пилотот кој бил принуден да слета на железницата“.
