Шефот на севернокавкаскиот регион во Чеченија, Рамзан Кадиров е именуван од регионалниот омбудсман за човекови права како „почитуван бранител на човековите права“, пишува Rferl
Народниот правобранител, Нурди Нухажиев, на церемонијата во Грозни, на која Кадиров не присуствуваше, рече дека семејството Кадиров дало „огромен придонес… за обезбедување на човековите права и зајакнување на државата“.
Покрај Кадиров, медали добија и неговиот татко, поранешниот чеченски претседател Ахмад Кадиров и неговата мајка, Ајмани Кадиров.
Ахмад Кадиров беше претседател на Чеченија од 2003 година, до неговиот атентат во мај 2004 година.
На почетокот на овој месец, ќерката на Кадиров, Аишат Кадирова, вршител на должноста министер за култура на Чеченија, беше наградена со медал за одбрана на човековите права.
Руските и меѓународните набљудувачи за човекови права го обвинуваат Рамзан Кадиров со години за следење сериозни прекршувања на човековите права, вклучително и киднапирања, тортура, вонсудски убиства и прогон на ЛГБТ заедницата.
„Dubai-Portal“
