Европа се соочува со најлошата епидемија на птичји грип во историјата, соопшти германскиот владин истражувачки институт.
„Во моментов поминуваме низ најсилната епидемија на птичји групи што некогаш биле регистрирани во Германија и Европа“, изјави за ДПА Институтот Фридрих Лофлер (ФЛИ), федерален институт за здравје на животните во Германија.
Од ден на ден се забележуваат нови случаи на зараза, а не само птиците се погодени од епидемијата, велат од Институтот.
– На оваа епидемија и нема крај. Земјите од Фарски Острови до Ирска, од Русија до Португалија беа погодени. Инфекции се забележани и во Канада, Индија и Источна Азија, додаде ФЛИ.
Само во Германија, 394 случаи на инфекција се пријавени кај птици, вклучувајќи патки, гуски, лебеди и галеби, помеѓу почетокот на октомври и 29 декември. Инфекциите беа забележани првенствено долж брегот.
FLI, исто така, забележа 46 случаи на инфекција на германските живинарски фарми.
Во истата временска рамка, ширум Европа, податоците на FLI покажуваат 675 инфекции кај птиците и 534 инфекции кај добитокот.
Годинава има и случаи на зараза меѓу цицачите, како што се црвените лисици во Холандија и Финска, фоките во Шведска и Германија и видрите во Финска.
(Vijesti.ba / ФЕНА)
