Кошаркарите на ЛА Лејкерс имаат проблем со појавата на коронавирус во нивниот тим. Тренингот во вторник пред патувањето за Далас, каде што ги очекува меч со Маверикс ноќта меѓу среда и четврток во 1.30 часот, мораше да биде откажан. Ова е направено од безбедносни причини, со цел да се спречи понатамошно ширење на вирусот. Лејкерси објавија дека на тестот бил позитивен Тајлен Хортон-Такер, кој во неделата против Орландо постигна 19 поени.
The player is Talen Horton-Tucker, the Lakers announced. https://t.co/ypBUXn9lsb
— Dave McMenamin (@mcten) December 14, 2021
Позитивните случаи на тестовите доаѓаат и покрај тоа што ЛА Лејкерс, заедно со Чикаго Булс, се верува дека се тим кој има сто проценти вакцинирани играчи. На членовите на тимот им беше препорачано да направат два теста, брз и PCR пред евентуален состанок во текот на денот пред летот за Далас. Ќе им биде дозволено да си заминат доколку се покаже дека се е во ред со тестовите. Инаку, Лејкерси моментално се шести на западната табела со скор 15-13.
