Сè поголем број Израелци признаваат дека нивната земја практикува апартхејд. Помирувајќи се со фактот дека окупацијата стана постојана реалност, која турна половина од нееврејското население во историска Палестина на државјанство од втора и трета класа, еволуцијата на Израел како практикант на апартхејдот е препознаена дури и од самите ционисти.
„Производот на ционизмот, државата Израел, не е еврејска и демократска држава“, рече Амос Шокен, косопственик и издавач на „Haaretz“. „Но наместо тоа, таа стана држава на апартхејдот, јасно и едноставно.“
Сега во неговите 70-ти, Шокен ги даде овие забелешки како огорчен одговор на десничарскиот член на израелскиот Кнесет, Амичаи Чикли од партијата Јамин. 40-годишникот ја осуди, како што ја нарекува, израелската левица, велејќи дека тие го поткопуваат ционизмот.
Шокен, кој се опишува себеси како некој кој „се придржува до вистинскиот ционизам“, ги отфрли критиките на Чикли. „Луѓето како Чикли мислат дека се ционисти, но кога го поддржуваат и одржуваат режимот на апартхејдот, тие се антиционисти“, додаде Шокен, одговарајќи на израелската десница.
Речиси во исто време кога Шокен го осуди израелскиот систем на апартхејд во колумна, минатата недела, израелскиот автор, Дејвид Гросман, посочи дека „апартхејд“ е вистинската терминологија за да се опише реалноста на окупираниот Западен Брег.
„Тоа можеби веќе не се нарекува „окупација“, но има многу поостри имиња, како што е „апартхејд“, на пример“, изјави Гросман, опишан како еден од најистакнатите израелски автори, за „Army radio“.
Во своето обраќање, Гросман рече дека владата на Нефтали Бенет е надградба на Бенјамин Нетанјаху, но додаде дека „тој не може да го направи најважното нешто – да го излечи Израел од болното зло, што е окупација“.
Шокен и Гросман се меѓу растечката листа на Израелци кои го признаа статусот на Израел како држава на апартхејдот по објавувањето на „Human Rights Watch“ и „B’Tselem“ во април.
Може да се каже многу работи за ова, но не може да се каже дека Израел го исполнува ционизмот како еврејска и демократска држава.
Според планот за поделба, инаку, градот Хеброн би бил во арапската држава, а уште по војната за независност Хеброн бил дел од Кралството Јордан. Не беше во Израел.
Денес во Хеброн има еврејско-израелска населба, но таа може да постои само затоа што секојдневно обезбедува околу 500 војници на ИД. Нема друго такво место во Израел.
„Dubai-Portal“
