Претседателот на Партијата за правда и помирување и поранешен главен муфтија на Мешихатот на Исламската заедница во Србија, Муамер Зукорлиќ, ненадејно почина вчера во Нови Пазар на 52-годишна возраст.
Илјадници верници во Нови Пазар се клањаа џеназе намаз на академик Муамер еф. Зукорлиќ, поранешен муфтија на Санџак и кандидат за реис-л-улема на Исламската заедница во Босна и Херцеговина.
Меѓу оние кои клањаа џеназе намаз на академик Муамер еф. Зукорлиќ на плоштадот „Гази Иса-бег“, во Нови Пазар беа и поранешниот реис-улема од Босна и Херцеговина Мустафа-еф. Цериќ и сегашниот Реис-улема Хусеин-еф. Кавазовиќ.
Џеназето се изврши во селото Орље кај Тутин. Хатар ќе се одржи во семејната куќа во Орље.
Градот Нови Пазар донесе одлука недела 7 ноември 2021 година да го прогласи за Ден на жалост, по повод смртта на Зукорлиќ, јавуваат локалните медиуми.
Општина Сјеница прогласи тридневна жалост на територијата на оваа општина поради смртта на Зукорлиќ.
Денови на жалост се одредени на 7 и 9 ноември 2021 година, според одлуката на општината потпишана од претседателот Муниб Мујагиќ.
View this post on Instagram
„Aj“
„Dubai-Portal“
