Обилните врнежи од дожд во текот на ноќта предизвикаа поплави во повеќе делови од главниот град на Босна и Херцеговина.
Излевањето на потоците и реките поради обилниот дожд поплавија дел од патиштата во Сараево, како и неколку населени места кои останаа без струја, пишуваат локалните медиуми.
Под вода се голем број станбени објекти и приватни автомобили, а спасувачите евакуираат жители од загрозените места и ги преместуваат на безбедни локации.
Поради целата ситуација нема струја во голем дел од Сараево, некаде електричната енергија е исклучена поради безбедносни причини, а во некои места има дефекти во трафостаниците.
Вонредна состојба е прогласена во Трново.
Во населеното место Војковиќ дошло до свлечиште по течението на реката што загрозува многу објекти кои се наоѓаат таму.
Состојба на елементарна непогода е прогласена на подрачјето на општина Источна Илиџа, потврди првиот човек на оваа месна заедница Маринко Божовиќ, пренесе РТРС.
Tocka
