Турска фондација денеска организираше мобилна уметничка работилница за децата во руралните области на турската југоисточна област Батман, јавува Агенција Анадолија (АА).
Докторки волонтерки во Фондацијата за поддршка на образованието на женски доктори (KAHEV) им помогнаа на децата од едно село покрај градот Козлук да играат игри и да креираат уметнички проекти.
Говорејќи за АА, д-р Демет Басер, претседателка на Извршниот одбор на Фондацијата, го истакна значењето на уметноста во животот на луѓето, велејќи дека нивниот социјален живот и духовен свет би биле некомплетни без уметноста.
„Помагајќи им на децата да го откријат уметникот во нив, докторките планираат да го покријат регионот на југоисточна Анадолија со проектот за време на викендите“, рече Басер.
„Кога ги гледаме децата среќни, ние исто така ја доживуваме оваа среќа“, рече таа, додавајќи: „Се трудиме да направиме сѐ што можеме за да бидеме од корист за децата на оваа земја.“
За активностите околу проектот таа рече: „Одржавме работилница за техниката ебру и скулптури од кал во селото. Децата направија неколку скулптури користејќи ја својата имагинација и избирајќи ги боите и шарите за уметноста ебру.“
„Бидејќи добрината се умножува ако ја споделуваме, сакаме да направиме повеќе дела на добрина во иднина“, вели таа.
Anadolu Agency
