Турција: Во природниот парк Ѓолџук преовладуваат есенските бои

Во паркот на природата Ѓолџук, познат по своите природни убавини, преовладуваат есенските бои, јавува Агенција Анадолија (АА).

Областа Болу е позната како „шумско море“ бидејќи 65 проценти е покриена со шуми од дрвја како што се кедар, чинар, ела, даб и бука.

Со доаѓањето на есента во шумите во областа преовладуваат волшебните есенски бои.

Во природниот парк Ѓолџук, кој е оддалечен приближно 13 километри од центарот на градот, испреплетени се жолтите, зелените и кафеавите тонови.

Природниот парк Ѓолџук е познат по тоа што добива поинаква убавина во сите четири годишни времиња.

Паркот, исто така, на своите посетители им нуди можност да се прошетаат околу езерото и да уживаат во волшебните есенски бои.

Боите на есента во природниот парк Ѓолџук се снимени со дрон.

„Anadolu Agency“