Ова е игра со глобалната економија, оценува американската телевизија „Си -Ен -Ен“ („CNN“) во денешниот коментар во врска со несогласувањето меѓу републиканците и демократите во Конгресот, за подигнување на границата за задолжување на владата, за да може да продолжи да ги подмирува финансиските обврски.
Соединетите држави се упатуваат кон провалијата, бидејќи на Конгресот му е да го подигне плафонот што американската влада може да го позајми. Ако работите тргнат наопаку, последиците ќе се почувствуваат далеку надвор од границите на Соединетите држави, наведува во анализата уредникот на „Си -Ен -Ен“, Стивен Колинсон (Steven Colinson).
Со оглед на тоа што американската влада троши повеќе отколку што заработува, би била принудена да престане да го сервисира долгот – така што исплатата на воените плати, државните пензии и други бенефиции ќе пресушат.
И ако Соединетите држави не можат да платат камата за своите долгови, најверојатно ќе се зголемат каматите за позајмување пари – што значи дека ќе се зголемат и хипотеките, заемите за автомобили и сметките за кредитни картички. Милиони Американци веројатно ќе ги загубат своите работни места, а бавното закрепнување од пандемијата ќе пропадне, се вели во текстот.
Бидејќи стабилноста на американскиот долг е темел на глобалната економија, неисполнувањето на финансиските обврски на Вашингтон може да го доведе во криза остатокот од светот, се додава во текстот.
Незамисливиот обем на овие последици е причината зошто завојуваните политичари во Вашингтон, главно по период на тврдоглави тензии и изнудување отстапки, обично постигнуваат консензус и гласаат за зголемување на плафонот на долгот во ноќта. Но, овој пат е поинаку, се наведува во анализата.
Републиканците ја отфрлаат играта, обвинувајќи го демократскиот претседател eо Бајден за неконтролиран раст на трошоците што дополнително ќе го зголеми националниот долг, кој во моментов изнесува речиси 29.000 милијарди долари.
Нивниот став е длабоко лицемерен. Прво, демократите постојано гласаа со републиканците за зголемување на лимитот на задолжување под републикански претседатели, вели уредникот на „Си -Ен -Ен“.
Поважно од тоа е дека мора да се зголеми лимитот за да се платат обврските што самите републиканци ги преземаа со гласање за масовно намалување на данокот што ги погоди богатите за време на тогашниот претседател Доналд Трамп (Donald Trump), се додава во текстот.
Републиканците, според Колинсон, се однесуваат како државата да се развлекува во Лас Вегас (Las Vegas) една недела и сега одбиваат да ја платат сметката за кредитна картичка.
Но, републиканците сакаат „да ги мијат рацете“ за одговорност и да ги обвинат демократите дека ја навеле земјата до банкрот, бидејќи Бајден (Biden) се залага за инвестициска програма од 4,0 трилиони долари за преобликување на економијата за да им помогне на помалку богатите Американци. Бидејќи има толку многу во прашање, републиканците знаат дека демократите на крајот нема да имаат друг избор освен сами да усвојат зголемување на границата за задолжување – и да ја платат политичката цена, се заклучува во текстот на „Си -Ен -Ен“, како што пренесува „Танјуг“ „Tanjug“.
„Sputnik“
„Dubai-Portal“
