Словенечкиот премиер, Јанез Јанша, ја одобри истрагата за масакрот врз 30.000 политички затвореници во Иран во 1988 година, истовремено давајќи видео обраќање на годишниот Светски самит за слободен Иран, глобален настан организиран од иранската дијаспора, пишува “Total-Slovenia-News“, пренесува „Dubai-Portal“.
“Скоро 33 години, светот заборави на жртвите на масакрот. Ова треба да се промени”, рече тој во видео обраќањето што го објави на “Твитер”.
Јанша изрази поддршка за истражната комисија на ОН за масакрот, откако неодамна истражителот на ООН за човекови права во Иран, Џaваид Реман, побара независна истрага за наводите за егзекуции на илјадници политички затвореници по налог на државата.
Јанша рече дека таквата истражна комисија е „од клучна важност за расветлување на ужасниот масакр во 1988 година“ и ќе им помогне на семејствата на жртвите конечно да постигнат затворање и правда.
„Ова е особено важно со оглед на фактот дека следен претседател на режимот ќе биде Ибрахим Раиси, кој е обвинет од Амнести Интернешнл за злосторства против човештвото за неговата улога во масакрот“, рече тој.
“Јас лично ќе продолжам да се занимавам со сите овие прашања што ги загрижуваат. Секогаш може да сметате на моето разбирање и поддршка”, рече тој.
Според Јанша, иранскиот народ заслужува демократија, слобода и човекови права „и треба да биде цврсто поддржан од меѓународната заедница“.
„Иранскиот режим мора да одговара за кршење на човековите права и меѓународната заедница мора да биде поцврста за ова.
“Total-Slovenia-News“
„Dubai-Portal“
