Турскиот орган за заштита на личните податоци денес започна директна истрага против Фејсбук во врска со неодамнешното протекување на податоци за корисниците, јавува Агенција Анадолија (АА).
Според информациите што стигнаа до АА, органот донесе одлука за поведување истрага по службена должност по дискутирањето за ова прашање на состанокот за извештаите дека податоците на 533 милиони корисници на Фејсбук биле споделувани на хакерска платформа.
Според веб-страницата „Business Insider“, корисник на хакерски форум на пониско ниво во саботата ги објавил телефонските броеви и личните податоци на 533 милиони корисници на Фејсбук во 106 земји.
Медиумот објави дека се објавени податоци, телефонски броеви, Фејсбук идентификациски број, целосни имиња и презимиња, локации, датуми на раѓање, биографии и во некои случаи и имејл-адреси, со над 32 милиони записи на корисници во САД, 11 милиони во Велика Британија и на 6 милиони во Индија.
Безбедносните експерти предупредија дека податоците може да бидат искористени од хакери.
Anadolu Agency
