Централниот завод за статистика на Палестина соопшти дека 40 отсто од жените во земјата се невработени, пренесува Агенција Анадолија (АА).
Централниот завод за статистика при палестинската администрација објави извештај по повод 8 Март – Светскиот ден на жената.
Во извештајот се нагласува дека заклучно со 2020 година, 23 отсто од мажите се невработени, додека оваа стапка кај жените изнесува 40 отсто.
Според извештајот, 45 отсто од вработените во јавниот сектор се жени, но се вели дека положбата на жените на позициите за носење одлуки сè уште е ограничена во споредба со мажите.
„Во 2020 година во Источен Кудс, Западен Брег и Појасот Газа, 3 жени ги положија животите како шехиди, додека 128 жени беа приведени, од кои 40 сè уште се задржани во израелските затвори“, се наведува во овој извештај.
Anadolu Agency
