Германската администрација денес објави дека се подготвува и за можни напади врз центри за вакцинација, транспорт на вакцини и производители на вакцини. Како одговор на прашање од пратениците на Зелените, германското Министерство за внатрешни работи соопшти дека постои „апстрактна закана“ поради неговото присуство во медиумите, и високата динамика и емоционалност на оваа тема, пренесува Срна.
Германската новинска агенција ДПА наведува дека Министерството за внатрешни работи предупредило и дека протестите на движењата против вакцинацијата, скептиците за коронавирус и теоретичарите на заговор може да излезат од контрола, што може да резултира со материјална штета, сајбер, па дури и физички напади врз медицинскиот персонал. Предупредувањето дојде во време кога во Германија стапија на сила построгите гранични контроли. За да влезат во Германија, на луѓето што доаѓаат од земјите на списокот на земји со висок ризик им е потребен негативен резултат на PCR-тест, кој не е постар од 72 часа.
