Иран и Турција потпишаа три документи за проширување на транснационалните железнички услуги што ќе ги поврзат со Пакистан, Авганистан и Кина. Директорот на железниците на Исламската Република Иран, Саид Расули и неговиот турски колега, Али Ихсан Ујгун, потпишаа документи во Анкара со цел да се зголеми превозот на стоки и патници.
„Двете железнички линии, онаа што ја поврзува Кина со Јужна Европа и онаа што ја поврзува Турција со Авганистан и Пакистан, ќе бидат забрзани и операционализирани со потпишувањето на овие документи“, изјавил Расули по потпишувањето на договорот.
Тој посочи дека транснационалната железница Истанбул-Техеран-Исламабад ќе ги зголеми врските со иницијативата за кинески појас и пат (БРИ), преку овозможување на железнички врски помеѓу Кина и Турција.
