Најмалку 34 лица загинаа во разорниот земјотрес со јачина од 6,2 степени што ја денес рано наутро ја погоди Индонезија, објавија новинските агенции. Стотици биле повредени, а земјотресот бил со епицентар на 36 километри јужно од градот Мамују на островот Сулавеси сериозно оштети болница, локален аеродром и бројни згради.
„Според последните информации што ги имаме, 26 лица загинале во градот Мамуја“, изјавил Али Рахман, шеф на локалната агенција за намалување на катастрофи, додавајќи дека бројот може да се зголеми. Властите предупредија за можно цунами во областа. Сафарудин Сануси, портпарол на покраинската влада на Пазадни Сулавеси, изјави за Ројтерс дека се очекува да бидат пронајдени повеќе жртви во напорите за потрага и спасување.
Првичните информации од Индонезиската агенција за помош при катастрофи покажуваат дека 637 лица биле повредени во Мајене. Свлечишта, уништени мостови, прекини на струја Серија земјотреси предизвикаа три свлечишта, оштетија мостови кон регионални центри како што е градот Макасар и оштетија десетици домови, два хотели и канцеларијата на провинцискиот гувернер.
Во областа беше прекинато снабдувањето со електрична енергија. Според АФП, неколку згради биле срушени во Мамују, вклучувајќи ја и болницата. – Болницата е уништена. Под урнатините има пациенти и персонал, работиме на нивно извлекување – изјави за Франс прес Аријанто, водачот на тимот за спасување во градот Мамују. Тој проценил дека 10 до 20 лица биле закопани во урнатината, но не можел да потврди дали се живи. Мамују е провинциски центар со околу 110.000 жители.
Земјотресот предизвика паника кај жителите на западен Сулавеси кои се засолнија на ридовите. Островот беше погоден и од земјотрес во 2018 година во кој имаше мртви. По земјотресот се отворија свлечишта кои го блокираа пристапот до еден од главните патишта во покраината. Портпаролот на провинциската влада Западен Сулавеси, Сафарудин, рече дека властите итно треба да ја обноват телекомуникациската мрежа и да поправат неколку оштетени мостови, како и да доставуваат шатори, основна храна и медицински материјали. 
Видеа кои кружат по социјалните мрежи покажуваат дека жителите со мотоцикли одат на ридовите. Едно видео покажува како луѓето се обидуваат да ги ископаат урнатините со голи раце, под кои било погребано дете. Индонезискиот архипелаг е на пацифичкиот „огнен прстен“, област со силна сеизмичка активност. Во септември 2018 година, градот Палу во Сулавеси беше погоден од исклучително силен земјотрес со јачина од 7,5 степени, што предизвика разорно цунами. Повеќе од 4.300 луѓе загинаа и исчезнаа во катастрофата, а најмалку 170.000 мораа да ги напуштат своите домови.
Фото:UAE Labours
