Бурата „Филомена“ донесе екстремно обилни врнежи од снег во делови на Шпанија, а денес во половина од земјата е прогласен црвен метеоролошки аларм.
Во Мадрид, една од најпогодените области, во следните 24 часа ќе паднат уште 20 сантиметри снег, пишува Би-Би-Си. Градскиот аеродром е затворен заедно со бројни патишта. Во петокот вечерта, бројни возила се насукаа на автопатот близу главниот град.
Пожарникарите биле повикани да им помогнат на возачите. Во некои области е повикана војската да помогне во расчистување на патиштата.
Властите побараа од луѓето да избегнуваат непотребно патување. Според локалните медиуми, ова е најголем снег во Мадрид во последните 40 години. Метеоролошката агенција АЕМЕТ објави дека станува збор за историски врнежи од снег. Студеното време ќе продолжи и по викендот, а во четврток во Мадрид се предвидуваат -12 степени.
Skiing through Sol #madrid #nieve #snow pic.twitter.com/pFtd2i2Hlb
— Fiona Govan (@fifimadrid) January 8, 2021
