Вакцината за КОВИД-19 произведена од кинеската компанија Sinovac Biotech се смета за халал или дозволена na основа на исламот, соопшти во петокот Индонезискиот совет за улеми, неколку дена пред планираната вакцинација во Индонезија со кинеската вакцина.
Индонезија, најголемата муслиманска земја во светот, набави три милиони дози вакцина „CoronaVac“ и планира да ја искористи кога во среда ќе ја започне својата програма за вакцинирање, додека претседателот Јоко Видодо треба да биде првиот што ќе ја прими вакцината.
Асорурун Ниам Шолех од комисијата за фетва на советот на прес-конференција изјави дека Sinovacova CoronaVac е „светa и халал“, иако сè уште чека одобрување од Индонезиската управа за храна и лекови (БПОМ).
„Ова може да биде информација што може да ги увери луѓето, особено муслиманите“, изјави Ниам. Индонезија се бори со најтешката епидемија на КОВИД-19 во Југоисточна Азија, а властите се потпираат на вакцината за да помогнат во ублажување на здравствената и економската криза во земјата. Земјата го потврди рекордното дневно зголемување на бројот на заразени во петок трет ден по ред, пријавувајќи повеќе од 10.000 заразени во изминатите 24 часа и надминувајќи ја вкупната бројка од 800.000 заразени, меѓу највисоките во Азија, пренесува Ројтерс.
(Вијести.ба / ФЕНА)
