Синоќа се одржаа масовни антивладини протести во повеќе израелски градови во кои демонстрантите побараа оставка од премиерот Бенјамин Нетанјаху. Најмасовните протести се одржаа во Ерусалим, Тел Авив и Кејсарија, а илјадници демонстранти излегоа на улиците од незадоволство од неуспешната борба против пандемијата КОВИД-19.
Протестите во Ерусалим започнаа со собир на демонстранти пред резиденцијата на премиерот Нетанјаху. Једиот Ахронот известува дека полицијата привела најмалку 13 демонстранти.
Во Тел Авив демонстрантите го блокираа сообраќајот на неколку мостови и крстосници. -Дојдовме да се спасиме од оваа темнина – било напишано на голем транспарент на протестите пред куќата на Нетанјаху во Кисарија. Антивладини протести се одржуваат скоро четири недели во Израел, барајќи оставка од Нетанјаху, а демонстрантите ја обвинуваат и владата за лошо управување со борбата против пандемијата.
Извор: Анадолија
