Федералните и регионалните власти во Германија се согласија да воведат строг карантин во земјата – најдоцна до 16 декември. Ова во саботата го објавија медиумите од Бизнис инсајдер, повикувајќи се на резултатите од преговорите меѓу шефовите на канцелариите на германската влада и премиерите на сојузните држави.
Според истиот портал, канцеларијата на Ангела Меркел инсистира да се воведе нов lockdown веќе во вторник, на 15 декември. Конечната одлука за тоа ќе биде донесена денес за време на видео конференција помеѓу канцеларката и премиерот на сојузните држави. Како што беше планирано, членови на најмногу две домаќинства, со најмногу пет лица, ќе можат да се собираат во приватни куќи и станови. Ова правило не се однесува на деца под 14-годишна возраст.
Во периодот од 24 до 26 декември, властите сакаат да дозволат максимум 10 лица да се дружат, но тоа треба да биде само за роднини.
Сè уште има несогласувања помеѓу канцеларијата на канцеларката и регионалните лидери околу можното затворање на училиштата и градинките. Според „Бизнис инсајдер“, во принцип е постигнат договор до 10 јануари образованието во училиштата да се организира, ако е можно, само преку Интернет.
Што се однесува до работата на градинката, канцеларијата на канцеларката Меркел бара тие да бидат затворени барем до 10 јануари, додека државните органи инсистираат тие да останат отворени. Во Германија, таканаречената мека блокада сега е на сила – во споредба со првиот карантин на пролет, сега се отворени градинки и училишта, трговски центри и продавници за храна.
Бројот на потврдени случаи на нова инфекција со коронавирус во Германија е зголемен за 28.438 во последните 24 часа. За 24 часа починале 496 лица заразени со Ковид-19. Во текот на пандемијата, инфекцијата е регистрирана кај 1.300.516 жители на Германија, од кои 21.466 пациенти починале од компликации.
Извор:geopolitika
