Уставниот суд во Австрија донесе одлука дека забраната за носење шамии во основните училишта, усвоена од администрацијата на канцеларот Себастијан Курц во мај 2019 година, е неуставна.
Претседателот на Уставниот суд на Австрија Кристоф Грабенвартер на прес-конференција ја објави одлуката во врска со забраната за покривање на главата во согласност со верските правила или симболи во основните училишта, што во јавноста е познато како забрана за носење марама.
Грабенвартер изјавил дека е донесена одлука за укинување на забраната за марами во основните училишта, која стапи на сила во 2019 година, бидејќи е во спротивност со принципот на еднаквост пропишан со законот за образование. Грабенвартер наведува дека муслиманските деца би можеле да бидат дискриминирани во образовниот систем и дека тоа може да ги намали шансите за посетување на муслимански девојчиња на училиште, што може да доведе до нивно отфрлање од општеството во иднина.
Тој исто така рекол дека забраната на верска облека само за муслиманите во образовниот систем може да доведе до стигматизација. Уставниот суд изјави дека тие веруваат дека верската облека во училиштата нема да доведе до конфликти во образовниот систем, како што тврдат властите, и дека забраната за облека што ја носат муслиманите е спротивна на законот за образование.
Грабенвартер исто така наведува дека забраната за муслиманска облека не се совпаѓа со принципот на непристрасност на уставот и дека фактите врз кои властите ја засновале забраната не се објективни. – Да резимираме, забраната го крши правото на верска слобода, светоглед, мислење, принципот на еднаквост, што е утврдено со став 43 од Законот за образование – рече претседателот на Уставниот суд.
Тој исто така изјави дека спроведувањето на одлуката на Уставниот суд за поништување на законот што предвидува забрана за носење шамија е законска обврска на австрискиот канцелар Себастијан Курц. Тој додаде дека Министерството за образование донело одлука за сноси на судските трошоци на семејството кои се обратиле до судот во врска со забраната.
Извор: Анадолија
