Според извештаите во медиумите, аргентинската полиција извршила претрес во куќата на личниот лекар на Марадона, Леополд Лук, а истражителите ги испитуваат неговите медицински процедури.
Ова е драматичен пресврт во испитувањето на смртта, и следуваше откако се појавија информации во текот на изминатата ноќ дека тој се расправал со неговиот личен лекар во деновите пред неговата смрт, пренесуваат медиумите.
Локалните медиуми во Аргентина пренесуваат снимки на кои полицијата пребарува во домот на Лук на периферијата на Буенос Аирес. Пребарувана е и неговата клиника.
Сето ова следеше откако ќерките на Марадона Далма и Џанина изјавија дека се сомневаат дали медицинската нега што ја добил нивниот татко е соодветна.
Аргентинските медиуми пишуваат дека Лук би можел да биде испрашуван како некој кој е осомничен за максимални пропусти во третманот, небрежност и убиство преку небрежност, а не само како обичен сведок.
Адвокатот на Марадона, Матијас Морла, минатата недела побара истрага на највисоко ниво за реакцијата на брзата помош.
