Две лица се убиени, а едно е тешко повредено во двоен напад што се случи денеска околу 16 часот во француското предградие Шоле. Осомничениот бил уапсен веднаш, пишуваат француските медиуми.
– На местото на настанот наидовме на две сериозно повредени лица, за жал 83-годишниот маж не успеа да преживее и почина на пат кон болницата. Неговата сопруга беше сериозно повредена, но таа не е во критична состојба – изјавил за АФП јавниот обвинител од Анже, Ерик Бујар.
Во вториот напад беше убиен човек „на педесет години“. Полицијата го пронашла во критична состојба и тој починал од повредите.
MAINE-ET-LOIRE : Deux morts, retrouvés en pleine rue à Cholet, le crâne fracassé, et une personne grièvement blessée dans une agression à l’arme blanche. Un homme de 35 ans a été interpellé à son domicile (BFMTV / Ouest-France). pic.twitter.com/X05QoXGfH7
— Infos Françaises (@InfosFrancaises) November 14, 2020
Според полицијата, осомничениот живее во една од зградите лоцирани во близина на местото каде што биле извршени нападите.
– За време на нападот напаѓачот користел ладно оружје, веројатно нож или нешто слично. Осомничениот има 35 години и им е познат на полицијата по бројни прекршоци – соопшти полицијата.
Осомничениот е уапсен денес околу 18 часот, мотивот за нападот сè уште не е познат. Повеќе информации ќе бидат познати по завршувањето на истрагата.
Извор: Фактор
