Палестинскиот претседател Махмуд Абас денес му ја честиташе победата на новоизбраниот претседател Џо Бајден како претседател на Соединетите држави и новоизбраната потпретседателка Камали Харис.
Абас изјави дека едвај чека да работи со избраниот претседател и неговата администрација за зајакнување на палестинско-американските односи и постигнување на слобода, независност, правда и достоинство за нашиот народ, како и работа за мир, стабилност и безбедност, објави ВАФА.
Набил Шаат, специјален пратеник на палестинскиот претседател Махмуд Абас, изјави за Анадолија дека администрацијата на Доналд Трамп е најлошата во историјата за Палестина и Палестинците.
“Добро е што се ослободиме од Трамп. Сепак, не очекуваме значителни стратешки промени во американската политика кон палестинското прашање”, рече Шаат.
А, Мустафа Баргути, генерален секретар на Палестинската национална иницијатива, изјави дека е среќен што Трамп ја напушта Белата куќа, кого го смета за најлош американски претседател во модерната ера.
“Трамп направи хаос во меѓународната политика и односи. Неговиот таканаречен договор на векот беше најлошото нешто што им го стори на Палестинците”, рече Баргути.
Членот на Извршниот комитет на Палестинската ослободителна организација (ПЛО) Ханан Ашрави е исто така задоволен од поразот на Трамп на изборите и повика на ревизија на политиката внатре и надвор од САД, пренесува Ал Џезира.
(Вијести.ба / ФЕНА)
