Абдулазиз Џафери, одговорен за односи со медиумите на Агенцијата за пребарување и откривање, поврзана со либиската Влада, во изјава за локалните медиуми рече дека се откриени уште пет нови масовни гробници во руралното подрачје Рабат во Тархуна, пренесува Агенција Анадолија (АА).
Истакнувајќи дека откопале остатоци од четири тела, Џафери рече дека во регионот продолжуваат ископувањата под надзор на екипи од судска медицина.
Како дел од операцијата „Бура на мирот“, започната на 25 март, либиската Армија на 3 јуни ја презеде контролата над сите административни граници на главниот град Триполи, а градот Тархуна го ослободи на 5 јуни.
Либиските власти соопштија дека се откриени најмалку 23 масовни гробници со 86 тела трупови во и околу градот Тархуна, кои милициите на Хафтар го користеа како центар за операции за време на нивниот 14-месечен напад врз главниот град Триполи.
Во соопштението на Меѓународниот кривичен суд (UCM) дадено на 22 јуни, се нагласува дека од Главното обвинителство на Меѓународниот кривичен суд (UCM) стигнале веродостојни информации за масовните гробници.
Припадниците на милицијата „Канијат“, која го поддржува Хафтар, се товарат за вонсудски егзекуции на неистомисленици и цивилно население за време на контролата над Тархуна.
Anadolu
