Белорусија: Полицијата повторно растерува демонстранти со водени топови

Полицијата во Белорусија повторно употреби водени топови за растерување на демонстрантите кои денеска се собраа на протест на улиците во Минск.

Како што пренесуваат локалните медиуми, белоруската полиција користела водени топови поставени на оклопно возило, а оваа вест ја пренесе и руската новинска агенција Интерфакс.

Илјадници демонстранти се собраа денеска во Минск да бараат ослободување на политичките затвореници.

Протести во Белорусија се одржуваат од претседателските избори на 9 август кога, според официјалните податоци, победи долгогодишниот лидер Александар Лукашенко, додека опозицијата тврди дека изборите биле наместени.

Slobodenpecat