Ерменскиот премиер Никол Пашинијан ги повика меѓународните организации да ги користат сите основи на влијание за да ја запрат Турција потенцијално да се меша во конфликтот.
Покрај тоа, при обраќањето пред граѓаните по повод последните случувања во Нагорно Карабах, тој предупреди дека ескалацијата во Нагорно Карабах може да се прелее надвор од регионот и да ја загрози меѓународната безбедност, пренесува Нова.рс.
Тоа, рече тој, дефинитивно ќе ја дестабилизира ситуацијата во регионот.
“Ние многу добро разбираме дека режимот на Азербејџан може да започне криминални активности кон границите на Ерменија и да прибегне кон провокации, што би предизвикало нестабилност во целиот регион. Криминалното однесување ќе добие достоен одговор”, рече Пашинијан.
Тој рече дека станува збор за војна објавена на ерменскиот народ, на неговата слобода и независност.
Тој ги повика земјите на копретседавачот на Минската група на ОБСЕ да не дозволат ширење на конфликтот и да се прелее надвор од регионот.
„Подготвени сме за таа војна затоа што сме свесни дека омразата што се промовира во Азербејџан против Ерменија не можеше да доведе до други резултати освен до војна“, изјавил Пашинијан.
(Вијести.ба)
