Првиот светски рекет Новак Ѓоковиќ службено го загуби мечот од осминафиналето на УС Опен. Тој беше казнет затоа што со топче удри една од линиските судии.
И покрај извинувањето поради несмасниот потег, Ѓоковиќ беше драстично казнет од службените лица на Грен слемот во Њујорк.
Во моментот на инцидентот, се играше првиот сет и резултатот беше 6:5 за Карено-Буста.
Шпанецот се пласираше во четвртфиналето каде ќе се сретне со победникот од мечот Денис Шаповалов (Канада) – Давид Гофин (Белгија).
“there’s no way Novak Djokovic can possibly look any worse this year”
Djokovic:pic.twitter.com/lNakdpAxDD
— Eoin Sheahan (@EoinSheahan) September 6, 2020
„Целата ситуација прави да се чувствувам празно и тажно. Проверив како се чувствува судијката и според информациите кои ги добив таа е добро. Навистина ми е жал што и направив таков стрес. Не беше намерно. Беше погрешно. Сакам ова непријатно искуство да го претворам во животна лекција како би можел да продолжам да растам и да се развивам и како тенисер, но пред се како човек. Им се извинувам на организаторите на УС опен. Благодарен сум на тимот и моето семејство и навивачите кои секогаш се со мене. Ви благодарам и навистина ми е жал. Ова беше тежок ден за сите“, напиша Ѓоковиќ.
