АНКАРА (АА) – Турција и Турската Република Северен Кипар помеѓу 6-10 септември ќе одржат воена вежба под името „Медитеранска бура – починатиот капетан Џенгиз Топел“, пренесува Агенција Анадолија (АА).
Според Министерството за национална одбрана на Турција, вежбата ќе се спроведе од 6 до 10 септември од страна на Командата на кипарските мировни сили на Турција и Командата на безбедносните сили на Турската Република Северен Кипар.
Воената вежба „Медитеранска бура – починатиот капетан Џенгиз Топел“, што се спроведува секоја година, има за цел да ги развие меѓусебната обука и соработка меѓу Командата на кипарските мировни сили на Турција и Командата на безбедносните сили на Турската Република Северен Кипар.
Во воената вежба ќе учествуваат воздухопловните, морските и копнените сили.
Anadolu
