Примерок од замрзнати пилешки крилја увезени од Бразил бил позитивен на новиот коронавирус во јужниот кинески град Шенжен, соопштија кинеските власти.
Тој е последен во низата извештаи за контаминирани увезени прехранбени производи.
Коронавирусот е откриен вчера на површински примерок земен од пратка пилешки крилја при контрола на увезена замрзната храна во округот Шонжен, Лонгганг, се вели во соопштението на општинските власти.
Официјалните лица не ја прецизираа брендот за кој станува збор, пишува Си-Ен-Ен.
Вести за загадените пилешки крилја пристигнаа само еден ден откако коронавирусот беше пронајден на пакувањето ракчиња увезени од Еквадор, друга јужноамериканска земја, во ресторан во источната кинеска провинција Анхуи за време на рутинска проверка, јави кинеската државна телевизија CCTV.
Од јули имало седум случаи на вирус на пакување на увезени производи од морска храна низ целата земја, од провинцијата Шандонг на источниот брег до областа Чонгкинг на запад, јавуваат државните медиуми.
Овие инциденти предизвикаа загриженост за безбедноста на увезената храна, продолжува Си-Ен-Ен.
Светската здравствена организација (СЗО) и американските центри за контрола и превенција на болести (ЦДЦ) истакнаа дека можноста за инфекција преку храна е многу мала.
СЗО истакна дека „малку е веројатно дека некое лице може да се зарази со COVID-19 од храна или пакување“.
Според ЦДЦ, ризикот од инфекција со вируси од храна, пакувања или вреќи е многу мал.
Двете организации истакнуваат дека коронавирусот се шири главно од личност до личност додека некој кашла, дождува или зборува.
