Авион со медицинска помош испратена од Турција за Либан слета на Меѓународниот аеродром во Бејрут, јавува Anadolu Agency (AA).
Авионот го пречекал амбасадорот на Република Турција во Бејрут, Хакан Чакил, воениот аташе во турската амбасада, Бајрам Бујан, други вработени во турската амбасада и либански претставници.
Тоа е втор авион со медицински потрошен материјал испратен од Турција во земјата, кој се бори со последиците од минатонеделната катастрофална експлозија.
Авионот на турските вооружени сили испорача медицински материјали и персонал на Канцеларијата за кризни ситуации и катастрофи (АФАД) во Бејрут, и ќе се врати во Турција со припадниците на турските тимови за спасување и пребарување кои помогнаа во потрагата по жртвите од експлозијата во претходните денови.
Пред ова, Турција испрати помош за Либан веднаш по експлозијата со карго-авион.
Исто така, голем број организации од Турција ги испратија своите тимови во Бејрут веднаш по експлозијата за да учествуваат во операциите за пребарување и спасување, отстранување на урнатините и спроведување на хуманитарни активности.
Во меѓувреме, турската агенција за соработка и координација (ТИКА) се очекува во следните денови да достави околу 400 тони пченица во Либан за да ги задоволи итните потреби од храна, предизвикани од штетата предизвикана од жито сило во експлозијата.
Две моќни експлозии го тресеа пристаништето во Бејрут минатата недела, откако избувна пожар во склад во кој неправилно се складираа 2.750 тони нитрат на амониум. Најмалку 171 луѓе загинаа, околу 6.000 беа повредени, а околу 300.000 останаа без покрив над главата.
