Палестинка е убиена на Западниот Брег, каде израелските војници денес се судрија со Палестинците, соопштија палестинските медицински власти.
Палестинските власти тврдат дека израелските војници убиле 23-годишна жена.
Портпаролот на израелската армија изјави дека војниците не користеле боева муниција за време на конфликтот и дека Палестинците отвориле оган и фрлале експлозив.
Членови на семејството на убиената жена тврдат дека таа била погодена од огнено оружје додека се обидувала да го затвори прозорецот на куќата во градот Јенин поради солзавец пред куќата.
Портпаролот на израелската војска соопшти дека избувнале немири додека војниците работеле во Јенин.
– Палестинците користеа боева муниција, фрлаа камења и експлозивни направи врз војниците. Војниците одговорија со средства за разбивање на немирите – рече портпаролот, негирајќи дека војниците користеле боева муниција.
Локалните жители соопштија дека Палестинците не користат огнено оружје. Тие тврдат дека луѓето фрлале камења кон израелските војници кои извршиле рација во регионот, пренесува Ројтерс.
(Вијести.ба / ФЕНА)
