Палестинците во Појасот Газа учествуваа во дарување крв во средата, во обид да им помогнат на жртвите од експлозијата во Бејрут, во која илјадници луѓе беа повредени.
Десетици луѓе учествуваа на доброволно дарување на крв во градот Кан Јунис, спонзорирано од палестинското друштво за црвена полумесечина. Организаторите рекоа дека ќе се обидат да соработуваат со Меѓународниот комитет на Црвениот крст, во обид да испорачаат крводарители во Либан.
„Дадов крв во овој чин на лојалност кон либанскиот народ“, рече Абу Диаб Оуида, жител на Кан Јунис.
Појасот Газа е под заедничка блокада на Израел и Египет од 2007 година, откако палестинската вооружена група Хамас ја презеде контролата врз територијата од ривалските палестински групи. Останува нејасно дали донираната крв ќе стигне до Либан, пренесува Асошиејтед Прес.
