Ердоган присуствуваше на церемонијалното отворање на браната во провинцијата Карс преку видео конференција, а во таа прилика истакна дека Турција покрај постојните 299, во последните 18 години изградила уште 585 брани за време на владеењето на Партијата за правда и развој (АК), јавува Анадолија.
– Кога дојдовме на власт, во нашата земја имаше 276 брани. Денес, ние и ја доделуваме 585-та брана на Турција во последните 18 години – рече Ердоган.
Во своето обраќање тој посочи дека од почетокот на епидемијата на коронавирус, Турција постигна значителен напредок во однос на состојбата со демократијата и економијата.
– Се соочивме со пандемија за време на која дури и развиените земји останаа беспомошни. Немавме никакви проблеми во однос на здравствената инфраструктура, ланци за снабдување со храна и медицинска опрема и ефикасно управување во однос на јавната безбедност, рече турскиот претседател.
Тој особено го истакна добриот и навремен одговор на турските институции во однос на економијата.
– Знаците во врска со закрепнувањето во областа на економијата се доста силни – додаде Ердоган, презентирајќи ја прогнозата дека Турција ќе постигне „огромен моментум во економијата“ во втората половина на годината.
– Влегуваме во ера во која присуството на Турција во однос на глобалното производство и снабдувачки синџири ќе се чувствува уште повеќе. Наши најголеми предности се квалитетен и динамичен човечки капитал, стратешка локација и силна инфраструктура и сето ова може многу да ни помогне да ги реализираме можностите што претстојат. „Како никогаш досега, ние сме близу да ја направиме Турција една од десетте најголеми економии во светот“, рече Ердоган.
(Вијести.ба / ФЕНА)
