Ако Соединетите држави и нејзините сојузници извршат уште напади врз Иран, тие ќе предизвикаат „поболни и погубни реакции“, предупреди Исламската револуционерна гарда на Иран (ИРГЦ), истакнувајќи дека израелскиот „ционистички режим“ нема да биде поштеден.
Соопшти ИРГЦ во раните утрински часови во средата по локално време, по лансирањето ракети врз две бази кои ги користат американските сили во Ирак.
„Ја предупредуваме Големата Сатана, жедниот и арогантен режим на Соединетите држави, дека секое ново зло или повеќе потези и агресија против Иран ќе предизвика уште поболни и погубни реакции“.
Во изјавата, според новинската агенција „Тасним“, исто така се наведува дека Техеран не прави разлика меѓу „ционистичкиот режим“ – што значи Израел – и Соединетите држави кога станува збор за „злосторството“ при убиството на Солејмани. Веројатно станува збор за реакција на извештаите дека израелскиот премиер Бенјамин Нетанјаху се обидуваше да се дистанцира од нападот, нарекувајќи го чисто американска афера.
ИРГЦ ги предупреди и сите американски сојузници во регионот – како Кувајт, Јордан, Саудиска Арабија или Бахреин – дека нивната територија ќе биде цел доколку американските бази на нивната почва се користат за извршување на напади на Иран.
„ Ги предупредуваме сите сојузници на САД кои ја дадоа својата база на оваа терористичка армија дека секоја територија која на кој било начин станува почетна точка на непријателски и агресивни активности против Исламската Република Иран ќе биде цел на напад“.
Техеран во вторникот целата американска војска ја означи како терористичка организација, копирајќи го минатогодишното означување на ИРГЦ од американската страна како таква.
