Ирачката анти-терористичка група Катаиб Хезболах одржа воени вежби во подготовките за борба против американските окупаторски сили, по нивните сомнителни активности во изминатиот период.
Портпаролот на Катаиб Хезболах, една од најмоќните милиции на Хашд Ал Шааби, Џафар ал Хусеини, изјави дека илјадници ирачки борци учествувале на воените маневри за да се подготват за четири можни сценарија, од кои првото е да се спротивстават на американските хеликоптери во Ирак.
Вежбите се одржаа во градот Јурф ал-Наср на околу 60 километри југо-западно од Багдад и имаа за цел да ја зголемат борбената подготвеност и подготвеноста за итни случаи, рече Џафар ал Хусеини.
За време на вежбите се користело напредно оружје и муниција. Вежбата симулирала голем број на ангажмани, вклучително и справување со воздушни напади, копнени конфликти и борби во шумска средина. Беило тестирано и ефикасноста на градското војување, истакнал портпаролот.
Портпаролот на ирачкиот Хезболах соопшти дека „успешното војување е предупредување за непријателите на Ирак дека силите на отпорот се целосно подготвени да се спротивстават на евентуалните закани на САД“.
Во изјавата во средата, гранка на армијата Хашд Ал Шааби откри сомнителна активност на американските сили и нивните платеници во Ирак и предупреди дека може да бидат подготвени за изведување на одредени операции.
Антиамериканското чувство во Ирак е во пораст по американскиот атентат на 3 јануари на иранскиот генерал Касем Сулејмани, кој беше убиен во Багдад заедно со Абу Махди Ал-Мухандис, командантот на армијата Хашд Ал Шааби и нивните соработници.
Актот на државен тероризам на САД го принуди ирачкиот парламент да гласа да ги протера американските сили од земјата, но владата сè уште не постапила на одлуката бидејќи се бори со политички ќор-сокак.
Во последните неколку дена коалицијата предводена од САД во арапската земја му ја предаде на ирачката војска стратешка база Ал-Каим на сириската граница, по што американските трупи се повлекоа од аеродромот Кајајара Запад, на околу 70 километри јужно од Мосул и на западниот брег на реката Тигар. Аеродромот беше предаден и на ирачките владини трупи.
Франција исто така објави дека ќе ги повлече сите свои трупи што се наоѓаат во Ирак.
„Франција одлучи да го повлече својот персонал распореден во операцијата во Ирак“, соопшти француското Министерство за вооружени сили во средата.
Француската војска тврди дека повлекувањето се должи на загриженоста за проширувањето на „Ковид-19“.
Извор:PressTV
